Wéi kënnt et eigent­lech datt’s de fir deen Asaz geruff goufs?

Ech si Mem­ber vun engem spe­ziellë Grupp vun der Pro­tec­tion civile (Huma­ni­ta­rian Inter­ven­tion Team). Ech si Pomp­jee, Sau­ve­teur an Ambu­lan­cier an hunn um EU-Niveau eng For­ma­tioun fir a Kri­se­ge­bid­der ze fue­ren. An ech hunn e verständ­nis­volle Patron de mech an den Asaz fuere gelooss huet.

Wéini a wou bass de gewuer ginn datt’s de an den Asaz op Haiti muss?

Et wor 5 op12, ech wor nach bei enger Aar­bechts­kol­le­gin zu Péi­teng, wou bemol de Piip­sert goung.

Has de der dat erwaart?

Ech hat um Radio héiere wat op Haïti ges­chitt ass, mee ech hu mer geduecht dat ass ze wäit ewech do gett den Grupp HIT net geruff. Obwuel, op Haïti an den Asaatz, daat wier jo net schlecht - eng Eraus­fuer­de­rung

Wat wor däin éischtë Gedan­ken?

Ech wor e bës­sen erféiert, den éischte Moment nervös, an hunn dunn direkt iwwer­luecht weem ech lo misst uruf­fen, wat ech lo alles muss orga­ni­séi­ren…

Wéi laang Zäit has de tëschent der Annonce an dem Décol­lage vum Fli­ger?

Piip­sert goung um 12, de Ren­dez­vous zu Lënt­gen wor fir 3 Auer. Ech hat also knapps 3 Ston­nen Zäit fir op Woolz ze fue­ren, meng Saa­chen ze packen, an op Lënt­gen ze fue­ren. Do goufe mer dun geimpft, Pabeie­ren aus­gefëllt, Mate­rial an de Camion gepak. Géint 17:30 sin mer am Con­voi vu Lënt­gen op Bréis­sel op de Militär­flu­gha­fen gefuer.

Wat hues de do dertë­schent gemaach, weem hues de uge­ruff, wat hues de mis­sen orga­ni­séi­ren?

Ech hu fir d’éischt men­gem Chef uge­ruff, well ech jo säin ok gebraucht hunn, dunn den Aar­bechts­kol­le­gen, fir dat a men­gem CIG alles klappt, dem Pre­si­dent vum CIG, men­gem Papp dat hie meng Katze ver­suergt, dem Kom­man­dant an dem Zen­ter­chef fir meng Per­ma­nen­cen ofze­ginn datt si kën­nen en Ersatz sichen, puer Frënn a Famill…bestëmmt 20 Uriff.

Wéi hunn d’Leit dee­nen’s de uge­ruff hues oder begéint bass réa­géiert?

Di mees­cht hu gesot datt ech soll op mech oppas­sen a mäi bes­cht soll man. E puer Leit woren e bës­sen nei­desch well si och woll­ten hël­lefe goen, mee jid­de­reen huet pro­béiert mech mora­lesch ze ënnerstët­zen.

An dunn ass d’Vir­be­ree­dung lass gaang?

Jo, nodeem ech Bes­cheed gesot hat, datt ech bereet wier fir mat (12:15) do wor et net méi fir e Réck­zie­her ze man. Dat wich­tegst wor awer, datt ech wousst datt mat men­ger Schaff alles ok ass. Bon an dunn hunn ech sch­nell misse vu Péi­teng heem op Woolz, alles huet misse sch­nell goen. Sch­nell heem, sch­nell paken, nach eng les­cht Kéier an d’Bid­den, sch­nell eppes giess, a lass. Mee fir ze paken, dat wor guer net sou ein­fach. Mir si limi­téiert op ee Mari­ne­sack an ee Ruck­sack, do muss ee gud iwwer­leeë wat ee mathëlt. Ech hat kuerz op Lënt­gen uge­ruff fir ze froe wat di aner sou mathue­len, an dun krut ech mat­ge­deelt datt ech Deputy Team Lea­der vun eisem Grupp sinn. Ech hu virun allem un Ersatzk­lee­der geduecht well ech mer scho konnt virs­tel­len datt ech dohanne vill Blutt an Dreck wäert begéi­nen, obwuel ech nach kee Bild gesinn hat. En plus wousst ech datt dohan­nen em di 36 Grad sinn, bei ons woren dunn nach Minus­tem­pe­ra­tu­ren…do hunn ech mol nie­went Asaatzk­lee­dung och eng kuerz Box an T-shir­ten age­pak. Lei­der wor vill Zäit mat deene Vir­be­ree­dun­gen drop gaang sou datt ech eigent­lech keng Zäit hat fir Fern­seh ze kucken, éischt Biller ze gesinn oder mech via Inter­net ze ren­sei­gnéi­ren iwwert di wich­tegst Eck­date vun Haïti.

Wou’s de bis zu Lënt­gen bei der Pro­tec­tion civile wors, wéi ass et do wei­der­gaang?

Fir éischt mol d’Équipe kennë­ge­léiert di lo schlus­send­lech mat­fue­ren: 11 Leit vun der Pro­tec­tion civile (HIT an Hond­ss­taf­fel) mat 4 Hënn a 6 Leit vun der Croix Rouge mat 3 Hënn.

Mate­rial an eist Gepäck sinn an de Camion geluede ginn, grad sou wéi Waas­ser an Ies­sen. Fir z’ies­sen haate mer C-Ratiou­nen vun der Arméi, daat si sou ages­ch­wees­ten Päck di 10 Joër halt­bar sinn wou sou eppes wi Brout, Gebeess, Ravioli, Vita­min­nen asw dra sinn. Et wor guer net sou schlecht.

Dann hu mer nach eng Lëscht mat onse Kon­tak­ter hei am Land opges­tallt a gou­fen nach sch­nell geimpft… D’Mala­ria­pelle krute mer mat an dunn ass et lass gaang, zu 17 Mann an 7 Hënn op Bréis­sel.

Ënner­wee am Bus hu mer Info Mate­rial iwwer Haïti duerch­ge­liest.

Sou rich­teg rea­li­séiert wat op mech duer kennt hat ech bis dohin­ner nach net. Ech men­gen dat kann ee sech och net am viraus virs­tel­len.

Zu Bréis­sel ukomm…?

Do stoung schonn alles voll Press, di woren iwwe­rall…dat wor läs­teg. Mate­rial age­checkt, eise Pass gewi­sen, an du si mer op de Brie­fing gaang. Di erklä­ren der dann mol safety a secu­rity rules: ni ouni Blo­hel­mer raus, net eleng fue­ren, ni déi­sel­wecht Zäit eraus fue­ren, ni eleng oder zu 2 éie­rens hi goen. Ëmmer Bes­cheed soen, am bes­ch­ten ëmmer am Grupp zesumme blei­wen, Owes soll ee guer net aus dem Camp an an an…

A wou ass et dunn higaan­gen?

Mam Militär­fli­ger vun der Bel­gian Air Force op Hali­fax tan­ken, dat woren 2 Ston­nen Open­thalt. A dunn op Port-au-Prince. Mir konn­ten nët direkt lan­den a mir hu misse bal 3 Ston­nen a klenge Kree­ser iwwer de Militär­flu­ch­ha­fen dréi­nen.

D’Arri­vée?

Majo um Militär­flu­ch­ha­fen Tous­saint-Lou­ver­ture. Alt rëm Press, alles voll!

zwee­ten Deel (part 2).