Den zwee­ten Aspekt ass deen, dass de Begrëff jo eppes mat Soli­da­ri­téit ze dinn huet. Soli­da­ri­téit an der Gesell­schaft, dat hees­cht vis-à-vis vun anere Leit, vun anere Mën­schen. Als Beis­pill kënne mer hei de Ser­vice de proxi­mité hue­len, wou eng Per­soun enger ane­rer hël­left. Déi Hël­lef berout op Géi­gesäi­teg­keet an doduerch droe mer zu enger méi mën­schle­cher Gesell­schaft bäi, wat ouni d’Eco­no­mie soli­daire sëcher net de Fall wier.

Wich­teg ass bei der Soli­dar­wirt­schaft, dass et net ein­fach Bes­chäf­te­gung ass mee, dass et méi ee Sichen ass no Aar­bech­ten déi bis elo nach keen ent­deckt huet.

Wéi a wou gesäis Du d’Eco­no­mie soli­daire zu Lët­ze­buerg?

Ouni elo Expert am Thema ze sinn, ass de CIGL fir mech déi direkt a kon­kret Ëmset­zung vun der Soli­dar­wirt­schaft zu Lët­ze­buerg. Mir kën­nen do enger Rei Leit, déi nach net oder net méi konnte Fouss faas­sen um Aar­bechts­maart, eng Aar­becht pro­po­séie­ren lei­der deel­weis nëm­men op Zäit, mee ëmme­rhin eng sënn­voll Aar­becht déi op enger reell exis­téie­ren­der Demande aus der Bevöl­ke­rung baséiert.

Wäh­rend dee­nen Aar­bech­ten sinn och For­ma­tioune méi­glech an erwën­scht an och eng per­séin­lech Beglee­dung déi an der “nor­ma­ler” Wirt­schaft oft net méi­glech ass, kann awer hei garan­téiert ginn.

A wat fir engem Kon­text hues Du fir d’éischt dovun héie­ren ?

Ech wees net, ob mer wéi mer virun 10 Joer zu Sues­sem uge­faan­gen hunn, schon an deem Sënn den Aus­drock Soli­dar­wirt­schaft benotzt hunn. Ech wees awer, dass mer am Laf vun de Joren regel­méis­seg am CIGL doriw­wer ges­ch­wat hunn an dass mer eis op deem Wee aktiv mat der Matière auser­nee gesat hunn.

Den 3. eko­nomë­sche Pilier, Rea­li­téit oder dat fën­neft Rad um Won ?

Als 3. Pilier si mer am Moment quan­ti­ta­tiv net mat der “ane­rer” Eko­no­mie ver­gläich­bar an dat ass och guer net wich­teg. Onofhän­geg dovun, wéi­vill Pro­zent mer vum natio­na­len PIB aus­maa­chen, zielt fir mech, dass d’Soli­dar­wirt­schaft wich­teg ass, dass se ent­schee­dent zum sozia­len Zesum­men­halt an der Gesell­schaft bäi­dréit an, dass et men­ger Mee­nung no vill méi gesell­schaft­lech Pro­ble­mer géife ginn, wann eis Bes­trie­wun­gen net do wie­ren.

Wéi kann een Den­ger Mee­nung no dës Bewee­gung nohal­teg ënners­tet­zen ?

Andeems mer eis Akti­vi­téi­ten iwwe­rall do aus­bauen, wou et méi­glech ass. Do gëtt et nach e ganze Koup Fel­der déi ze bea­ckere sinn, am Beräich vun der Edu­ca­tion citoyenne, der Nohal­teg­keet, der Chan­ce­gläi­ch­heet, Ser­vi­cer um Bier­ger an esou wei­der.

Dofir brauch ee finan­ziell Mët­te­len aus ver­schid­dene Quel­len, vill Fan­ta­sie a Krea­ti­vi­téit an natier­lech Leit mat engem grous­sen Enga­ge­ment déi sech fir déi Iddi mat Nodrock aset­zen. Ech den­ken do u Leit déi dat haapt­be­ruf­flech maa­chen, awer och un eis Bene­vo­len. Zesum­men solle mer no neie Fel­der sichen, op dee­nen nach sënn­voll Aar­becht ka gelees­cht ginn déi bis elo nach keen ent­deckt huet.

D’Froen hunn d’Eliane Weber an de Mat­thias Perl ges­tallt. 08.09.2008