De Pierre Mellina, President vum CIGL Péiteng a Buergermeeschter, iwwert d’Economie solidaire
Publié le mercredi 29 juillet 2009, 17:26 - Luxembourg - Lien permanent
- Article
- |
- Commentaires(0)
- |
- Fichiers attachés(0)
Wat ass fir Dech Economie solidaire?
Et sinn 2 Voleten: éischtens ass et wichteg, dass d’Leit opgefange kënne ginn, déi keng Aarbecht hunn, besonnesch an dëser schwiereger wirtschaftlecher Situatioun. An zweetens ee positiven Apport fir d’Awunner an der Gemeng bréngen, haaptsächlech deene schwaache Matbierger eng Hëllef unzebidden, zum Beispill behënnerten, eeleren oder kranke Leit.
Wéi a wou gesäis Du d’Economie solidaire zu Lëtzebuerg?
D’öffentlech Hand muss mat agebonne ginn, mee och de private Secteur an d’Bevölkerung. Ech gesinn se weiderhin do wou se am Moment ëmgesat gëtt, nämlech um lokale Niveau.
Wou gesäis Du hir Stärkten an hir Schwächten?
Zu de Stärkten zielt, de Leit ze hëllefen, interessant Projeten ze realiséieren, Formatiounen, respektiv Perspektiven unzebidden fir Leit, déi Problemer hunn um Aarbechtsmaart Fouss ze faassen.
Zu de Schwächten zielt, dass ee leider net all Mënsch hëllefe kann an, dass de Finanzement muss weiderhin garantéiert ginn, besonnesch an deem schwieregen ekonomeschen Ëmfeld wou mer sinn.
Den 3. ekonomesche Pilier, Realitéit oder awer nëmmen dat fënneft Rad um Won?
Et ass geféierlech, wann d’Economie solidaire dat fënneft Rad bleift an déi wäertvoll Aarbecht net déi Unerkennung kritt, déi se verdéngt. Ech wënsche mir, dass den 3. Pilier Realitéit gëtt.
Wéi kann een dénger Meenung no dës Beweegung nohalteg ënnerstetzen ?
Eemol generell definéieren, wat an deen 3. Pilier eragehéiert an zweetens fir d’Akzeptanz vun der Economie solidaire suergen an se net ëmmer ërem a Fro stellen.
D’Froen huet de Matthias Perl gestallt. 16.07.2009
Télécharger cet article au format pdfArticle modifié le mardi 29 novembre 2011, 08:26
Derniers commentaires